യുണൈറ്റഡ് മർച്ചൻ്റ്സ് ചേംബർ എന്ന നാമധേയത്തിൽ കേരള സംസ്ഥാനത്ത് വ്യാപാര-വ്യവസായ സേവന മേഖലയിലെ ചെറുകിട -ഇടത്തരം സംരംഭകരുടെ തൊഴിൽപരമായ അവകാശ സംരക്ഷണവും, നിലനില്പും ലക്ഷ്യമാക്കി 2021 ഒക്ടോബർ 17 നു രൂപീകൃതമായ സംഘടനയാണ് UMC എന്ന ചുരുക്ക പേരിൽ അറിയപ്പെടുന്ന യുണൈറ്റഡ് മർച്ചൻ്റ്സ് ചേമ്പർ . ജനാധിപത്യ മൂല്യങ്ങൾക്ക് വലിയ പ്രാധാന്യം നൽകുന്നതും, സാമൂഹ്യ പ്രതി ബന്ധത ഉറപ്പാക്കുന്നതുമാണ് സംഘടനയുടെ ഭരണഘടന . വ്യാപാര വ്യവസായ സേവന മേഖലകളിൽ നിലനിൽക്കുന്ന പ്രതിസന്ധികൾ തരണം ചെയ്ത് സുഗമമായി തൊഴിൽ സംരംഭങ്ങൾ നടത്തി പോകുന്നതിന് ആവശ്യമായ ഇടപെടലുകൾ നടത്താനും, ജനാധിപത്യപരമായും, ഭരണഘടനപരമായും, ലഭിക്കേണ്ട എല്ലാ ആനുകൂല്യങ്ങളും, അവകാശങ്ങളും നേടിയെടുക്കുന്നതിനും, നേടി കൊടുക്കുന്നതിനും സംഘടന പ്രതിജ്ഞാ ബന്ധമായി പ്രവർത്തിക്കും. ഈ സമൂഹത്തിൻ്റെ നിലനില്പിന് ഊന്നൽ നൽകി കൊണ്ടുള്ള വിവിധ ക്ഷേമകാര്യ പദ്ധതികളും മറ്റും സംഘടന തലത്തിലും, സർക്കാർ സഹായത്തോടെയും നടപ്പിലാക്കുക എന്ന ലക്ഷ്യത്തിന് സംഘടന മുൻഗണന നൽകും. സർവ്വോപരി വ്യാപാരി - വ്യവസായി സേവന മേഖലയിലെ ചെറുകിട-ഇടത്തരം സംരംഭകർക്ക് അത്താണിയായി രക്ഷാകവചമായി അവരുടെ കൂടെ ഉണ്ടാവുക എന്നതാണ് ഈ സംഘടനയുടെ പരമപ്രധാനമായ ലക്ഷ്യം.